Dislike TBC smart club and Bank of Georgia

“ტვინი შეჭამეს.” – ზოგიერთი ქართული ფრაზა მაინც რა ზუსტად ასახავს რიგ მოვლენებს.

ხოდა, ამათმაც ტვინი შეჭამეს რა. რამდენიმე დღის წინ ფეისბუქის ქართული სივრცე ისტერიის სავანედ იქცა. დღეში ათობით წერილი ან ჩეთ მესიჯი მხვდებოდა, თხოვნით “დამელაიქებინა” ფოტოგრაფების თუ მხატვრების ფოტოები.

ერთი ფანჯარა დავხურე, მეორე დავხურე, მესამე დავხურე! მეოთხე, დავახურე! დავახურე, არა მომხმარებელს, არამედ ამ ბანკებს რომლებიც ასეთ არაადამიანურ კამპანიებს აწარმოებენ.

ძალიან საინტერესო იყო, რომ 10-დან 8 ისეთი ადამიანი მთხოვდა მის ნამუშევრის “დალაიქებას” რომელსაც ერთი წლის განმავლობაში ერთი მოკითხვაც კი არ შემოუთვლია, ამასთან ერთად იყვნენ ჩემთვის ახლო ადამიანები, ამიტომაც აქვე მათთან ბოდიშის მოხდა მსურს, იმის გამო რომ თხოვნა არ შევუსრულე, მაგრამ ასეთ ვითარებაში პრინციპულად უმოქმედობა ავირჩიე.

საქმე ისაა, რომ ეს ბანკები კონკურსანტებს კაბალურ პირობებში აყენებენ და მათ ხარჯზე უზარმაზარ რეკლამას აკეთებენ. მათი ნამუშევრების გამოქვეყნებას სთავაზობენ, საკუთარ ფეისბუქ გვერდზე ათავსებენ და კონკურსანტებს შორის გამარჯვებულს “ლაიქების” რაოდენობით არჩევენ. ნათქვამია, “იმედი ბოლოს კვდებაო” და ეს კონკურსანტებიც გაარფთრებულნი ერთვებიან პირველობისთვის ბრძოლაში. მართლაც რომ “ნეტარნი არიან მორწმუნი,” აიპოდს ხომ სიტყვაზე ასიდან (ან ორასიდან) მხოლოდ ერთი, კარგ შემთხვევაში კი თითზე ჩამოსათვლელი კონკურსანტი მიიღებს.

ამ დროს რას ღებულობს ბანკი? ათასობით ადამიანის თავში ათასჯერ გაჟღერებული აზრი: “თიბისი, ო თიბისი, მოდი დამიპყარი.”

საკუთარი ცოდვაც უნდა ვაღიარო, ერთხელ მსგავს კონკურში მივიღე მონაწილეობა, ბლოგერებს შორის ეწყობოდა. მეც, მეამიტურად მივამატე ჩემი ერთი პოსტი, თუმცა არც თავი შემიწუხებია დიდად და არც სხვები, სულ ათამდე, ახლო ადამიანს ვთხოვე “დალაიქება.” შედეგმა არ დააყოვნა, ბოლო პოზიციებში მოჩანჩალე აღმოვჩნდი.

თუმცა, არ ვნანობ. რაღაც არა მგონია მაინცდამაინც დონის (საკუთარ თავს არ ვგულისხმობ) მიხედვით ფასდებოდეს გამარჯვებული ასეთი ტიპის კონკურსებში.

მოგეხსენებათ, ადამიანის ტვინი საცავივითაა, მანდ თითქოს გამუდმებით ფუსფუსებენ დამლაგებლები და მეხსიერებაში მხოლოდ საჭირო რამეებს ტოვებენ, ნაკლებად საჭიროს კი ტვინის “სხვენში” ტოვებენ, ასევე მოგეხსენებათ რომ ძალიან ბევრი ნაგავი თუ დაგროვდა ყველაზე გამოცდილ დამლაგებელსაც კი გაუჭირდება მისი დროზე მოშორება.

ამიტომაც, სრული პასუხისმგებლობით ვაცხადებ რომ მსგავსი აქციები არის ნაგავი!

ბანკებს ერთი მომაჯოდავებელი თვისება აქვთ, თანამშრომლები ისე გიღიმიან თითქოს შენი ტრუსიკის მეგობრები იყვნენ, ფლაიერებში კი ისე აღწერენ რაღაცეებს, გეგონება სამყარო შენი იყოსო, მაგრამ რეალობაში ანგარიშის გახსნაზე ან სესხზე ერთი ფაღათინა ქაღალდის უქონლობის გამო უმოწყალოდ უარს გეუბნებიან.

ბანკი კერძო პირია, მას უარის თქმის უფლება აქვს ასეთ ქმედებაზე, ამავდროულად მეც კერძო პირი ვარ და შემიძლია ბანკს ხანდახან ასეოდენ საჭირო ღილაკი “Dislike” ვაჩუქო და თან ვუთხრა, “განვედ ჩემგან.”

8 thoughts on “Dislike TBC smart club and Bank of Georgia

  1. Di@

    როგორ არ დაგეთანხმო… შეჭამეს რომელია… ფუფ რა!

    Reply
  2. tatatatuli

    ცოდვა გამხელილი ჯობია – ერთხელ მეც გავები ამ ნაგავში. სრული უაზრობაა ამის გამო პირწიგნაკელი მეგობრების შეწუხება. დღემდე ნერვები მეშლება საკუთარ თავზე…😛

    Reply
  3. WhyNot

    ვაი, რომ ერთი-ორჯერ მეც ავყევი ცდუნებას. სხვებსაც ვერ დავადანაშაულებ, მესმის ამ ხალხის. ფეისბუქზე კი ბოლო დროს ხშირად მიფიქრია, რომ მარაზმად გადააქციეს.

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s