თბილისის მე-15 საერთაშორისო კინოფესტივალის პრევიუ

თბილისის საერთაშორისო კინოფესტივალი საქართველოში ალბათ იმ მცირერიცხოვან ღონისძიებათა რიცხვს განეკუთვნება, რომელსაც მაყურებელი დიდი ხნით ადრე და განსაკუთრებული ინტერესით ელოდება. მიუხედავად იმისა, რომ რიგით მე-15 კინოფესტივალი ჯერ არ დაწყებულა და ოფიციალურად 1 დეკემბერს იხსნება რამდენიმე ფილმზე ბილეთები უკვე მთლიანად გაყიდულია. ასე მაგალითად, ვეღარ იშოვით ადგილს თურქი რეჟისორის ნური ბილგე ჯეილანის ფილმზე “ზამთრის ძილზე”. ამ ფილმისადმი ინტერესი გასაგებია, ფესტივალზე წარმოდგენილ ნამუშევრებს შორის ის ყველაზე ტიტულოვანთა რიცხვს შეგვიძლია მივაკუთვნოთ. სწორედ მას ხვდა წილად წლევანდელი კანის ფესტივალის ოქროს პალმის რტო.  ამიტომაც, თუ “ზამთრის ძილზე” ბილეთი ვერ იშოვეთ, აუცილებლად მოინიშნეთ მომავალში სანახავ ფილმებს შორის.

წლევანდელ ფესტივალს ირანელი რეჟისორის მოჰსენ მახმალბაფის მხატვრული ფილმი – “პრეზიდენტი” გახსნის. ქართველ მაყურებლის ამ ფილმისადმი ინტერესი გასაგები მიზეზების გამო (საქართველოშია გადაღებული და მთავარ როლებს ქართველი მსახიობები ასრულებენ) დიდია. თუმცა, ამის მიუხედავად სამწუხაროდ ფილმი მხოლოდ ერთხელ იქნება ნაჩვენები და ისიც მოსაწვევებით. ორგანიზატორებს ეს ალბათ უნდა გაეთვალისწინებათ და თუ ამის საშუალება არსებობდა ფილმის განმეორებითი ჩვენება დაეგეგმათ.

ფესტივალზე წარმოდგენილი ქართული ფილმების რაოდენობა დამაიმედებელ ნიშნად უნდა მივიჩნიოთ. ნათელია რომ წარმოებული ქართული ფილმების რაოდენობამ აშკარად იმატა, ხარისხს რაც შეეხება, მაყურებელს მისი განსაზღვრა რამდენიმე დღეში თავად შეეძლება. სანახავ ქართულ ფილმებს შორის მე პირადად გამოვყოფდი თინათინ კაჯრიშვილის “პატარძლებს” (ნაჩვენები იქნება სამშაბათს, 14 საათზე), გიორგი ოვაშვილის “სიმინდის კუნძულს” (ოთხშაბათი, 12 საათი) და სალომე ალექსიძის “კრედიტის ლიმიტს” (სამშაბათი, 17 საათი).

ფესტივალის პროგრამა დოკუმენტალური კინოს მხრივ ასევე საკმაოდ მდიდარია.  სანახავად საინტერესო უნდა იყოს “ყოველდღიური  ამბოხი, (სამშაბათი, 14 საათი)”, რომელიც თანამედროვე არაძალადობრივ პროტესტების სხვადასხვა ფორმების შესახებ მოგვითხრობს.  ასევე საინტერესო უნდა იყოს ორი დოკუმენტური რომელიც სამწუხაროდ ერთი და იმავე დროს (პარასკევი, 14 საათი) იქნება ნაჩვენები – “ვადა,” ფილმი იმაზე თუ როგორია წარმოადგენდე პუტინის ოპოზიციას რუსეთში და “ადამიანური მაშტაბი,” აწ აღიარებული ფილმი დანიიდან, რომელიც ურბანულ პრობლემაზე, კერძოდ კი იმაზე მოგვითხობს, რომ დღევანდელი გათვლებით 2050 წლისათვის დედამიწის მოსახლეობის 80 პროცენტი ქალაქებში იცხოვრებს. ამიტომაც, მე პირადად ამ ორს შორის არჩევანი ჯერჯერობით ვერ გავაკეთე. სხვათაშორის, ეს ერთადერთი შემთხვევა არ არის როდესაც მაყურებელს არჩევანის გაკეთება ორ ან სულაც სამ ფილმს შორის მოუწევს. ეს ერთის მხრივ კარგია და მეორეს მხრივ ცუდი. კარგია რადგანაც ეს იმას ნიშნავს რომ ფესტივალზე ბევრი ხარისხიანი ფილმი ჩამოვიდა და ცუდი იმიტომ რომ თბილისში არ გვაქვს საკმარისი კინოთეატრი და პირობა მსგავსი პრობლემების გადასაწყვეტად. სხვათაშორის, ფესტივალზე მოთხოვნის და ინტერესის გათვალისწინებით მემგონი დროა ორგანიზატორები დაფიქრნდნენ და მომავალი წლიდან “პრომეთე” უფრო მაშტაბური და თუნდაც ხანრგლივი მოვლენა გახადონ.

დოკუმენტალურ ნამუშევრების მხრივ ასევე საინტერესო უნდა იყოს “უკანასკნელი გატაცება,” ფილმი სომალელ მეკობრეებზე (პარასკევი, 16 საათი) და ჯოშუა ოპენჰაიმერის “სიჩუმის სახე” (პარასკევი, 2130-ზე). ეს უკანასკნელი დროის მიხედვით კვლავ ემთხვევა სხვა საინტერესო ფილმს – “სენ ლორანს”.

ამერიკული კინოს ნახვა თუ გადაწყვიტეთ, “ძებნილს” (პარასკევი, 12 საათი), სადაც მთავარ როლს აწ გარდაცვლილი ფილიპ სეიმურ ჰოფმანი ასრულებს და “დიდ მნიშვნელოვან საგნებს” გირჩევდით (სამშაბათს 19 საათზე და განმეორებითი ჩვენება შაბათს, 12 საათზე).

აზიურ ფილმებს შორის აღნიშვნის ღირსია ტაივანური ნამუშევარი – “მოხეტიალე ძაღლები”(ოთხშაბათი, 16 საათი),  რომელმაც უკვე მოასწრო ბევრ საერთაშორისო ფესტივალებზე მნიშვნელოვანი ჯილდოების მოპოვება.

აფრიკულ ცხოვრებაზე და კინოზე მეტის გაგება თუ გსურთ, შეგიძლიათ აბდერაჰმან სისოკოს უკვე აღიარებული და კანის ფესტივალზე ოქროს პალმის რტოზე ნომინირებული “ტიმბუქტუ” (სამშაბათი, 12 საათი) იხილოთ.

ასევე საინტერესო უნდა იყოს “ზილს მარია” (ოთხშაბათი, 16 საათი), სადაც მთავარ როლს ჯულიეტ ბინოში ასრულებს, ჰოლანდიური ტრილერი “ბორგმანი” და “ცხენები ჩვენში”, კომედიური დრამა ისლანდიიდან (ორივე ოთხშაბათს 2130-ზე იქნება ნაჩვენები). პარასკევს საჩვენებელ ფილმს შორის ალბათ შეგვიძლია უკრაინული “ტომი” (2130 საათზე) გამოვარჩიოთ, ეს ფილმი ყრუ-მუნჯი თინეიჯერის შესახებ მოგვითხრობს და მთლიანად არის დაცლილი ხმოვანი დიალოგებისაგან, თუ რატომ ეს ტრეილერი უკეთესს წარმოდგენას შეგიქმნით.

კინოფესტივალის ერთ-ერთ მთავარ მოვლენად შეგვიძლია შაბათს საჩვებენელი ძმები დარდენების “ორი დღე, ერთი ღამე” (14 საათი) მივიჩნიოთ, ეს ფილმი ფესტივალამდე დიდი ხნით ადრე იყო ანონსირებული და ამიტომაც დამატებით კომენტარს ალბათ არ საჭიროებს.

საკმაოდ დატვირთული იქნება ფესტივალის დასკვნითი, კვირა დღე, რომელიც ფრანგი რეჟისორის ფრანსუა ოზონის “ახალი მეგობარი ქალით” დაიწყება” (12 საათი), გაგრძელდება საკმაოდ არაორდინალური “წყვდიადის შემდეგ ნათელით” (14 საათი) და “გოლგოთის გზით” (1630) და შეიძლება დასრულდეს ოთხმოც წელს გადაცილებული ლენეგენდარულ ფრანგი რეჟისორის ჟან ლუკ გოდარის ჯერჯერობით ბოლო ნამუშევრით – “მშვიდობით, ენავ” (2130-ზე).

საბოლოო ჯამში კინოფესტივალზე 120 ნამუშევარზე მეტი იქნება წარმოდგენილი, ყველაფრის ნახვას ფიზიკურად ვერავინ შეძლებს. იქნება იმედგაცრუებები და იქნება ისეთი ფილმებიც რომლებიც ჩვენს მოლოდინს გადააჭარბებენ. ნებისმიერ შემთხვევაში, წინ გველის ერთ კვირიანი ფესტივალი, რომელიც ნამდვილად წარმოადგენს ზეიმს ქართველი კინომოყვარულებისათვის.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s