Tag Archives: ადოლფ ჰიტლერი

ახალი ამბების ყოველკვირეული ავი მიმოხილვა [სეზონი 2, კვირა 6]

მოცემული ტექსტი მიზნად არ ისახავს მასში მოყვანილ პირთა რაიმე სახით შეურაცხყოფას.

ტექსტში მოყვანილი მოსაზრებები ეკუთვნის მხოლოდ ავტორს და არ არის აუცილებელი გამოხატავდეს სხვის შეხედულებებს.

გასულ კვირას გავრცელებული ამბავი Selfie-ს ფსიქიკურ აშლილობად მიჩნევის შესახებ ყალბი აღმოჩნდა. ამის შესახებ მხოლოდ ამ პოსტის დასაწერად დაჯდომის შემდეგ გავიგე. არადა, ამ ღირშესანიშნავის ამბის მოლოცვას ვაპირებდი, ვფიქრობდი თუ როგორ გავაქილიკებდი კევინ სპეისის, ჯენიფერ ლოურენს, ბარაკ ობამას, დევიდ კამერონს, ტუალეტში რეგულარულად ფოტოების გადამღებ გოგჩოებს და მრავალ სხვას, მაგრამ კოვზი ნაცარში კი არადა, მაუსი გუგლში ჩამივარდა… მიუხედავად იმისა, რომ გასულ კვირას გავრცელებული ამბავი ტყუილი აღმოჩნდა, დარწმუნებული ვარ იმ ადამიანების რაოდენობა, რომელსაც კვლავ სჯერა რომ ამერიკის ფსიქიატრთა ასოციაციამ Selfie ფსიქიკურ დარღვევად მიიჩნია, რამდენჯერმე აღემატება ჩემნაირ “ზანუდა” სკეპტიკოსებს, რომლებიც ინფორმაციის გადამოწმებით ერთობიან ხოლმე. დარწმუნებული ვარ გავა დრო და ეს ურბანული ლეგენდა კვლავ ცოცხალი იქნება, ისევე როგორც ლეგენდა იმის შესახებ, თავის დროზე მარკესმა რაღაც ანდერძი რომ “დაწერა,” ან ალ პაჩინო რაღაც სიბრძნეებს რომ “ლაპარაკობდა” რაღაც ველოსიპედზე.

თუ ევა ბრაუნის დნმ-ის ამბავი ტყუილი არ აღმოჩნდა, შესაძლოა ისტორიაში ერთ-ერთი ყველაზე დიდი “ტროლინგის” მომსწრენი აღმოვჩნდეთ. პრინციპში ტყუილიც რომ აღმოჩნდეს, ინტერნეტ მომხარებლების აწ უკვე ცნობილი მეამიტობის ამბავის გათვალისწინებით, ეს ტყუილიც არანაკლები “ტროლინგი”  იქნება. ისე თუ ბრაუნი ნამდვილად იყო ებრაული გენების მატარებელი, მაშინ ვერსია იმის შესახებ, რომ ჰიტლერმა თავის დროზე “Juice” თქვა და არა “Jews” არც თუ ისე არარეალისტური უნდა იყოს. კონსპირაციული თეორებიის მოყვარულებს ასევე უნდა მოეწონოთ ვერსია იმის შესახებ, რომ ბრაუნმა საკუთარი წარმომავლობის შესახებ იცოდა და ყველაზე დიდ ანტისემიტს უბრალოდ თავისებურად ტროლავდა.

Game of Thrones-ის მოყვარული ფბ მომხმარებლები ისტერიულად ითხოვონ ფილმი არ დაუსპოილერონ სანამ ამ კვირაში გამოსული ახალი სეზონის პირველ სერიას არ ნახავენ. ალბათ არასდროს არ გიჩნდება ადამიანს სურვილი დაუსპოილერო სხვას რაღაც ფილმი, თუ ის თავად არ შეგასენებს ამის შესახებ. არადა, დასპოილერება  თვითმიზანი რომ ყოფილიყო, ამის გაკეთება ხომ სერიალის გამოსვლამდეც შეიძლებოდა, თუმცა როგორც ჩანს სერიალის მოყვარულები ფილმს და რამდენიმე წლის წინ დაწერილ ფიქციას შორის კავშირს მაინცდამაინც ვერ აბავენ.

ტელეგადაცემა რა? სად? როდის? თამაშის ახალ საფეხურზე ადის და მოაზროვნეებს უკვე პასუხგაცემულ კითხვებს სთავაზობს. მიუხედავად იმისა, რომ ბატონი წამყვანი არ იმჩნევს ლანგარზე მირთმეულ სწორ პასუხს და თავიდან მარი კორინთელი რაციონალურად, გადაცემის ფორმატის შესაბამისად ცდილობს უპასუხოს და თვალი დახუჭოს გაპარულ შეცდომაზე, ბოლოს გუნდის კაპიტანი მათე მაყაშვილი პრაქტიკულად “ჩესტნად” ეუბნება “კრუპიეს”, რომ პოლინეზიელები და ტაიტელები არაფერი შუაში არ არიან. ნახატს უბრალოდ, თან როგორც ჩანს გარკვევით, აწერია გოგენი.

ჩიტმა ნინი ბადურაშვილმა ყალბი ამბების სააგენტო – ჩიტს ტოპკა აუგდო და კვლავ სასაცილოდ გაიხადა საქმე. მას განუცხადებია, რომ ათ წიგნზე მეტი აქვს წაკითხული (ვითომ 11?), მაგრამ ამის მიუხედავად მათ ჩამოთვლას არ აპირებდა. თუმცა, ბოლოს ვერ “მოითმინა და მთვარის” მოტაცება მაინც დაასახელა. ამიერიდან ჩიტის ვებგვერდზე ნინი ბადურაშვილის საყვარელი ერთი წიგნი უკვე მითითებულია. აქედან გამომდინარე თუ ნინი ბადურაშვილმა განაგრძო ავარდნები შეიძლება რაღაცეები “შემოეკითხოს” კიდეც, ამრიგად ჩიტსაც ექნება მასალა და ნინი ბადურაშვილიც არგებს საკუთარ თავს. თუ ჩიტმა თავი არ დაანება, შეიძლება ბოლოს რა? სად? როდის? გადაცემაშიც კი ამოყოს თავი. გოგენს ვერ უპასუხებდა თუ რა?

გასული კვირის მიმოხილვა იხილეთ აქ.

Advertisements

ცნობილი ადამიანები და პერსონაჟები Facebook – ის მომხმარებლები რომ ყოფილიყვნენ… ნაწილი II.

hitlerdraft

hydradraft kevindraft akakidraft woodydraft

sizyfusპირველი ნაწილი

 

Control yourself, take only what you need from me, ანუ ადამიანი რომელმაც საკუთარი თავი ვერ გააკონტროლა

2005 ჩეხეთს ვეწვიე. პრაღის და ჩეხეთის მონახულება, მართლაც, რომ ჩემი ოცნება იყო. თუმცა იმას ვერ ვიტყვი, რომ პრაღაზე ან ჩეხეთზე ოცნება ფრანც კაფკას, მილან კუნდერას ან ზოგადად ჩეხეთის ისტორიის სიყვარულით იყო განპირობებული, არავითარ შემთხვევაში, ოცნება უფრო მარტივად და ბანალურად ჩაისახა. რეკლამით. გახსვოთ ვილკო პოპოვეცკი კოზელის რეკლამა? ვისაც არა, ლუდი იყო ასეთი, სავარაუდოთ დღესაც არსებობს, თუმცა ეს რგოლი ქართულ ტელე სივრცეში აღარ გადის, ადრე კი რუსულ არხებზე გადიოდა. ძალიან კარგად გაკეთებული რეკლამა იყო, აი ისეთი ლუდს, რომ მოგანდომებს, ჩეხ ქალებს შეგაყვარებს და გარკვეული დროის შემდგომ ჩეხეთზე ოცნებას დაგაწყებინებს. მეც ოცნება რამდენიმე წელიწადში ამიხდა.

ჩეხეთში ვერაფერი დავწერე, რამდენიმე ფრაზას წერად ვერ ჩავთვლი, სამაგიეროდ ბევრი ვიფიქრე და ამ განცდამ ერთი ღამით სიცხე ამიწია და აი რატომ. რა ისტორიული ფაქტები დარჩა კაცობრიობას მეორე მსოფლიო ომის შემდგომ, რომელიც ადამიანს ამ პერიოდს ახსენებს? ვიდეო ფირები, უამრავი წიგნი, ბევრად უფრო მეტი სტატია, ესსე და ა.შ. ამ ყველაფრის გარდა მსოფლიოს დარჩა წარუშლელლი იარა საკონცეტრაციო ბანაკების სახით. მეც როგორც იმ ჯგუფის წევრი, რომელიც საზაფხულო ბანაკში იმყოფებოდა დავთანხმდი შემოთავაზებას მომენახულა სრულიად არა საზაფხულო ბანაკი სახელად ტერეზინი. ჩემი ახლადგაცნობილი მეგობრები ამ ვიზიტს ძალიან განიცდიდნენ, მე კი ვცდილობდი მათ გახალისებას და შეძლებისდაგვარად ვხუმრობდი, ზოგიერთ შემთხვევაში უადგილოდაც კი.

როდესაც ტერეზინში მოვხვდით, გავჩუმდი. ბანაკში რამდენიმე საათი გავატარეთ, ვნახეთ საკნები, რომლებიც ნაცისტებისთვის არა სასურველი ხალხისათვის იყო განკუთვნილი, გავიარეთ სიკვდილის კორიდორები, რომლებშიც სიკვდილ მისჯილები გაჰყავდათ და ბოლო პუნქტი სადაც სიკვდილ მისჯილები გვამებად იქცეოდნენ. აქ საერთო ჯამში დაახლოებით 83,000 ადამიანი ამოხოცეს, ამ ყველაფერთან ერთად კი ვითომც და არაფერი ბანაკს საცურაო აუზი “ამშვენებდა,” სადაც მოწყენილი ნაცისტი ოფიცრები ერთობოდნენ და საკუთარი სხეულის გაჯანსაღებაზე ზრუნავდნენ. იქვე, ახლო მახლო მდებარეობს ებრაელთა სასაფლაო, სადაც მიცვალებულებზე რთულია, თქვა “განისვენებენო.” ღამით ცუდად დავიძინე, სიცხემ ამიწია, ჩემი ხუმრობების კი შემრცხვა.

რამდენიმე დღეში პრაღას ვეწვიე. ლუდი გემრიელი იყო, ქალები ლამაზები, მაგრამ “ტერეზინთან შეხვედრა” ისევ მომიწია, კერძოდ კი პრაღის სასახლეში, იქ საიდანაც პრაღა ყველაზე კარგად ჩანს, ვნახე იმ ადამიანის სურათი, რომელმაც საკუთარი თავი ვერ გააკონტროლა. ის როგორც უკვე ალბათ მიხვდით, მსოფლიოსთვის ადოლფ ჰიტლერის სახელით იყო ცნობილი. სურათს იმის ისტორია, მოჰყვა თუ როგორ დაიპყრო ფაშისტურმა გერმანიამ ფიურერის თამადობით ჩეხეთი, როგორ იდგა ეს მონსტრი პრაღის სასახლის თავზე და გადაჰყურებდა მის უკონტროლო ოცნებას…

შენიშვნა: წერილის სათაური MGMT – ის კომპოციზიციის “Kids-ის” ტექსტიდანაა აღებული.

გლაზგო, 30 მაისი, 2009 წ.